Абель Санчес: «Канело» мықты панчер емес
АСТАНА. ҚазАқпарат - Геннадий Головкиннің бапкері Абель Санчес GGG-ның Сауль Альвареске қарсы жекпе-жегіне қатысты өз болжамын өзгертіп айтты, деп хабарлайды Sports.kz.
«Өткенде мен Головкин «Канелоны» 8-раундта нокаутқа жібереді дегенмін. Қазір мен өз болжамымды өзгерттім, екі боксшы арасындағы айқас «Канело» жығылғанға дейін жалғасады. Өйткені GGG Альвареске қарағанда мықтырақ, - деді Санчес ESNews-ке берген сұхбатында.
Головкиннің бапкері бұл мансапты айқындайтын жекпе-жек екендігін атап айтты.
«Канело» қарсыластарымыздың ішіндегі ең шебері болса да, оны мықты панчер деп атай алмаймын», - деп сөзін түйді Санчес.
