ӘЧ-2014: Аргентина құрамасының фанаттары Буэнос-Айресте полицияны таспен атқылады
АСТАНА. ҚазАқпарат - Футболдан әлем чемпионатының финалында ұтылып қалған Аргентина құрамасының фанаттары Буэнос-Айрестің орталығында оларды таратуға тырысқан полицияға тас лақтырып, қарсылық танытқан.
Өз кезегінде полиция оларды тоқтату үшін көзді жасаурататын газды пайдалануға мәжбүр болды.
Ал Германия құрамасының жанкүйерлері Рио-де-Жанейродағы «Маракана» стадионында өздерінің құрамасының жеңісін бимен атап өтті. Оларға кейіннен дәстүрлі түрде аргентиналықтарды бәсекелес көретін бразилиялық фанаттар қосылған көрінеді.
Шетелдік БАҚ-тың жазуынша, Берлиндегі және Мюнхендегі жанкүйерлер қала көшелеріне шығып, ән айтып көңіл көтерген екен.
Германия Латын Америкасында Әлем чемпионатын жеңіп алған бірінші еуропалық команда болып табылады.
