ӘЧ-2014: Швейцария соңғы минутта Эквадорды шаң қаптырып кетті - ВИДЕО
БРАЗИЛИА - АСТАНА. ҚазАқпарат - Бүгiн, маусымның 15-нен 16-сына қараған түнi Бразилиядағы футбол әлем чемпионатының төртiншi күнiнде Швейцария мен Эквадор құрамалары кездестi.
Бұл ойында еуропалықтар ойынның соңғы минутында гол салып, 2:1 есебiмен жеңiске қол жеткiздi.
Алғашқы голды 23-минутта эквадорлық Энер Валенсия қақпаға енгiзген болатын. Дегенмен Швейцария кездесудiң 49-минутында Мехмедидiң голымен есептi теңестiре алды. Ал ойынның соғы секундтары қалғанда Сеферович Швейцариялықтарға маңызды үшінші ұпай алып бердi.
Айта кетейiк, бiрер уақыттан соң, сағат 01:00-де Франция құрамасы Гондураспен өзара кiм мықтыны анықтамақ. Оны "Еуразия" бiрiншi арнасы" арқылы көре аласыздар. Ал сағат 04:00-де Аргентина мен Босния және Герцеговина кездесуi өтедi. Матч "Қазақстан" мен KazSport телеарналарынан көрсетiледi.
