ӘЧ-2018: Испания құрамасы жеңіске жетсе 825 мың еуродан алады
АСТАНА. ҚазАқпарат - Испания құрамасының ойыншылары футболдан 2018 жылғы әлем чемпионатында жеңіске жететін болса әрқайсысы 825 мың еуродан сыйақы алатын болады.
Бұл туралы Marca хабарлады.
Егер команда ширек финалға шыға алмай қалса, сыйлықақыдан қағылады.
Бұдан бұрын БАҚ Бразилия құрамасына әлемдік біріншілікте жеңіске жетер болса 1 миллион еуродан берілетіндігін хабарлаған болатын.
Еске сала кетсек,2010 жылғы әлем чемпионатында алтын еншілеген испандықтар 600 мың еуродан алған. Ал 2014 жылы 720 мыңнан алуы тиіс еді. Бірақ команда топтан шыға алмады.
Биылғы әлем чемпионатының матчтары 14 маусым мен 15 шілде аралығында Ресейдің 11 қаласындағы 12 стадионда өтеді.
Испандықтар В тобында Португалиямен (15 маусым, Сочи), Иранмен (10 маусым, Қазан) және Мароккомен (25 маусым, Калининград) кездеседі.
