Адамдарды шынайы қарым-қатынас жасауға итермелейтін «офлайн-стақан» жасалды
АСТАНА. ҚазАқпарат - Бразилияда жарнамалық компания «офлайн-стақан» жасап шығарды, деп хабарлады MigNews. Оның ерекшелігі мынада: бұл ыдыстың түбі қисық болғандықтан, ол үстелдің үстінде ұялы телефонның көмегінсіз тігінен қойыла алмайды.
Ыдысқа осындай ерекше дизайн беру арқылы оны жасап шығарушылар адамдарға дәмханалар мен барларда отырған кезде олар уақыттарын смартфондарындағы хабарламаларды тексеруге емес, бір-бірімен «жанды» қарым-қатынас жасауға арнауға көмектескісі келген.
«Офлайн-стақанды» Бразилияның жарнама агенттігінің қызметкерлері ойлап шығарды. Олар бұл идеялары адамдарға гаджетте емес, шынайы өмір сүруге көмектеседі деп сеніп, зор үміт артып отыр.
