Әдебиет саласындағы Нобель сыйлығы лауреатының есімі 8 қазан күні белгілі болады
АСТАНА. ҚазАқпарат - 2015 жылы әдебиет саласындағы Нобель сыйлығы лауреатының есімі 8 қазан күні белгілі болады. Бұл туралы Швеция академиясынан, жоғары сыйлықтың кімге бұйыратынын шешетін Нобель комитетінен хабарлады.
Жазушы немесе ақынның есімін алғаш рет Швеция академиясының жаңа тұрақты хатшысы Сара Даниус атайды. Бұл Стокгольмнің Ескі қаласындағы Биржа ғимаратында жергілікті уақыт бойынша сағат 14:00-де өтеді.
Өткен жылы бұл саладағы сыйлыққа Франция жазушысы Патрик Модиана ие болған еді.
Фото: © EPA/BERIT ROALD
