Әділет Ахметғали кураштан Азия ойындарының жартылай финалына шықты
АСТАНА. KAZINFORM - Жапонияның Аичи префектурасы мен Нагоя қаласында ХХ жазғы Азия ойындары аясындағы кураш жарысы жалғасып жатыр, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Ерлер арасында 81 келі салмақта ширек финалдық белдесулер өтті.
Әділет Ахметғали Тайпей өкілі Хе Сунгты 10:0 есебімен жеңді. Осылайша, отандасымыз жартылай финалына жолдама алды. Финалға шығу үшін, Әділет Ахметғали Өзбекстан өкілі Ахрор Зиёдуллаевпен белдеседі.
Айта кетейік, ХХ жазғы Азия ойындары Жапонияда 19 қыркүйек пен 4 қазан аралығында өтеді.
Осыған дейін ұлттық құраманың 28 қыркүйектегі жарыс кестесін жарияладық.
