Әділет министрлігі «Цифрлық атқарушылық жазба» пилоттық жобасын іске қосты

АСТАНА. KAZINFORM – Әділет министрлігі азаматтардың құқықтарын қорғауға және нотариустардың атқарушылық жазбалар жасаған кезде белгіленген талаптарды сақтауын қамтамасыз етуге бағытталған «Цифрлық атқарушылық жазба» пилоттық жобасын іске қосты.

Жобаның негізгі жаңашылдықтары:

• Қарсылық білдіру процесін цифрландыру. Борышкерлер атқарушылық жазбаға «Мобильді үкімет» ақпараттық жүйесі арқылы өздерінің жеке кабинеті арқылы онлайн түрде дау айта алады.
• Процедураларды автоматтандыру. Қарсылықтар электрондық цифрлық қолтаңбаны (ЭЦҚ) пайдалану арқылы электронды форматта беріледі.
• Аумақтық принципті сақтау. Жүйе нотариалдық әрекеттердің аумақтық байланысын ескере отырып реттелген.
• Өндіріп алудың ашықтығы мен заңдылығы.

- Жаңа механизм атқарушылық жазбалардың заңдылығын бақылауды қамтамасыз етеді және азаматтар мен ұйымдардың нотариалдық қызметтерге цифрлық форматта қолжетімділігін жеңілдетеді, - делінген ақпаратта.

Пилоттық жоба 2025 жылдың 31 желтоқсанына дейін жұмыс істейді.

Бұған дейін елімізде нотариус қызметі қанша тұратынын жазғанбыз.