АЭС құрылысына қатысты референдумда бірінші болып Сеулдегі қазақстандық дауыс берді
АСТАНА. KAZINFORM – Қазақстан Республикасының азаматтары референдумда өздерінің конституциялық құқықтарын алғашқылардың бірі болып Корея Республикасында жүзеге асырды. Бұл туралы Сыртқы істер министрлігінің баспасөз қызметі хабарлады.
Сеулдегі референдумда бірінші қазақстандық болып халықаралық ұйым қызметкері Камила Маутова дауыс берді.
«Бұл шешімнің еліміздің болашағы үшін маңызы зор, ал референдум – қоғамның барлық көзқарасын ескеру, шешім қабылдауда ашықтықты қамтамасыз ету мүмкіндігі. Үкімет әркімнің пікірін тыңдауға тырысады және біз, азаматтар үшін бұл үдеріске белсенді қатысу өте маңызды», - деді К.Маутова.
Ол сондай-ақ шетелде тұратын көптеген қазақстандық біздің дипломатиялық өкілдіктердің күш-жігерінің арқасында референдумға қатысу мүмкіндігіне ие болғанын айтты.
«Бұл біздің еліміздің болашағы үшін маңызды шешім қабылдаудың ұжымдық мүмкіндігі және бұл референдум экономикалық даму үшін жаңа мүмкіндіктер ашады деп ойлаймын», - деді дауыс беруші.
ҚР Сыртқы істер министрлігінің мәліметінше, шетелдегі барлық референдум учаскелері Қазақстанның дипломатиялық өкілдіктерінің аумақтарында ұйымдастырылған.
Ең бірінші болып қазақстандықтар Корея мен Жапонияда дауыс беруге мүмкіндігі бар.
Сеулде #390 және Токиода #393 сайлау учаскелері жергілікті уақыт бойынша сағат 07.00-де дауыс беру үшін бірінші болып ашылды.
Айта кетейік, Қазақстан халқы бүгін АЭС құрылысына қатысты таңдау жасайды.
