Африкада гепард туриске шабуыл жасады
АСТАНА. ҚазАқпарат - Оңтүстік Африка Рсепубликасындағы қорықта болған оқиғаның соңы қайғыға ұрындыруы әбден мүмкін еді. Осында мекен ететін жас гепард кенеттен Қытайдың Макао қаласынан келген студент Пегги Лиоға шабуыл жасаған.
Видеороликке жыртқыш аңның туристер тобына ақырын келгендігі, артынша қызға атылғаны, оны жерге құлатып, мойнынан тістемек болған әрекеті түсіп қалған.
Егр қорық бақылаушысы дер кезінде үлгермегенде мұның соңы қайғылы жағдайға ұрындыруы мүмкін еді. Қуанышқа орай, қатты қорыққан қыздың денесін жыртқыштың тырнақтары аздап осып кеткені болмаса, қатты жарақаттанған жоқ, деп жазады Daily Mail.
