Ағаш ыдыстың денсаулыққа пайдасы зор

АСТАНА. ҚазАқпарат - Ағаш ыдыстардың денсаулыққа пайдасы зор. Тамақтың құнарлылығын сақтап, түрлі бактерияларды жояды, деді шебер Қуанышбек Мұратұлы «Қазақстан» Ұлттық арнасындағы «Таңшолпан» бағдарламасында.

Шебердің айтуынша, ағаш ыдыстың жасалуына ерешке мән беру керек. «Біріншіден, бұл заттар дымқыл ағаштан жасалады. Оның кебуі бар, станокқа салып ою, одан кейін өрнек салу - бәрін есептегенде бір апта кетеді»,-дейді шебер. Сапалы ыдысты таңдау үшін оның ағашына мән беру керек. Қайың, еменнен жасалған ағаш ыдыстар ыстық пен суық әсерінен тез сынбайды, ұзаққа шыдайды.