Ағымдағы жылдың 8 айында ішкі істер органдары есірткі қылмысына қатысты 6 мың оқиғаны анықтады
АСТАНА. Қыркүйектің 7-сі. ҚазАқпарат /Марлан Жиембай/ - Ағымдағы жылдың 8 айында ішкі істер органдары есірткі қылмысына қатысты 6 мың оқиғаны анықтады. Бұл туралы бүгін елордада ҚР ІІМ Есірткі бизнесіне қарсы күрес комитетінің төрағасы Жанат Сүлейменов мәлім етті.
Оның атап өтуінше, осы аралықта заңсыз айналымнан 18 тонна 700 келі есірткі заты тәркіленген. Оның 70 келісі есірткінің ең ауыр түрі - героиын болып отыр.
«Ағымдағы жылы біздің есірткіге қарсы күрес бөлімшелеріміз 5 ұйымдасқан қылмыстық топты және 83 есірткі трафигінің арнасын жойды», деді. Ж.Сүлейменов.
