Ағымдағы жылдың бірінші тоқсанында елімізде дайын өнімге сұраныс артты - Статистика комитеті
АСТАНА. ҚазАқпарат - Өнеркәсіп кәсіпорындарының басшылары 2015 жылғы І тоқсанда өткен 2014 жылғы ІV тоқсанмен салыстырғанда дайын өнiмге сұраныстың өсуін және өндіріс көлемінің артуын атап өткен.
ҚР Ұлттық Экономика министрлігі Статистика комитетінің хабарлауынша, бұл олардың іскерлік белсенділігінің жоғарылағанын айғақтайды.
«Іскерлік белсенділігінің өзгеруін сипаттайтын кәсіпкерліктің сенімділік индексі өткен тоқсанмен салыстырғанда 4 пайыздық тармаққа төмендеді. Өнеркәсіп кәсіпорындары басшыларының көпшілігі жақын арадағы келешекте, 2015 жылғы маусымға дейiн, iскерлiк белсенділіктің өсуі күтілетінін алға тартады. 2015 жылғы І тоқсанда өткен 2014 жылғы ІV тоқсанмен салыстырғанда сауда кәсіпорындары басшыларының бағалауы бойынша тұтынушылық сұраныс пен іскерлік белсенділігі төмендеді. Кәсіпкерліктің сенімділік индексі (-2) пайыздық тармаққа төмендеп, (0%) құрады», - делінген баспасөз баянында.
Сонымен қатар, сұрауға қатысқандардың 73 пайызы іскерлік белсенділік 2015 жылғы маусымға дейін өзгеріссіз қалады деп болжаса, 16 пайызы жақсаруын және 7 пайыз кәсіпорын өзінің қаржылық-шаруашылық қызметінің нашарлайтындығын бағалаған.
