Ағымдағы жылдың бірінші тоқсанында құрылыстағы бағалар 1,4 пайызға жоғарылады
АСТАНА. 9 сәуір. ҚазАқпарат - Ағымдағы жылдың бірінші тоқсанында құрылыстағы бағалар 1,4 пайызға өсті, деп хабарлады ҚР Статистика агенттігінің баспасөз қызметінен.
2011 жылғы наурызда өткен жылғы желтоқсанмен салыстырғанда бағалар құрылыс-монтаж жұмыстарына - 1,2, машиналар мен жабдықтарға - 2,5, өзге де жұмыстар мен шығындарға 1 пайызға өсті.
Ағымдағы жылғы қаңтар-наурызда құрылыс ұйымдары сатып алған материалдар, бөлшектер және конструкциялардың бағалары 0,2 пайызға артты.
Металл конструкциялары - 1,5, ағаш-талшықты тақталар - 1,3, болаттан жасалған жазық илек - 1,1, битумдар - 0,6, бояулар мен эмальдар - 0,5, қиыршықтас, малтатас және шақпақтас 0,4 пайызға қымбаттады.
Кірпіштер - 0,2, қыштан, бетоннан, цементтен жасалған құбырлар 0,1 пайызға арзандады.
