Ағымдағы жылғы тоғыз айда құрылыстағы баға 2,2 пайызға өсті

АСТАНА. 9 қазан. ҚазАқпарат - 2013 жылғы қыркүйекте өткен жылғы желтоқсанмен салыстырғанда құрылыс-монтаж жұмыстарына бағалар 2,2%, өзге де жұмыстар мен шығындарға - 2,9%, машиналар мен жабдықтарға - 1,2%-ға өсті. Бұл туралы бүгін ҚР Статистика агенттігінен хабарланды.

«Ағымдағы жылғы қыркүйекте 2012 жылғы желтоқсанмен салыстырғанда құрылыс ұйымдары сатып алған материалдар, бөлшектер және конструкциялардың бағалары 0,2%-ға өсті. Бетондар мен ерітінділер 4,9%, бояулар мен эмальдар - 1,7%, битум - 1,5%-ға қымбаттады»,-делінген хабарламада.

Профильдер мен бұрыштар бағасы 2,6%, жайма болат - 1,5%, отқа төзімсіз қыш кірпіштер - 1,1%, электржарықтандыру жабдықтары - 1%, табақты шыны - 0,6%-ға төмендеді.