Ағымдағы жылы 17 млн. тонна астық жиналады - АШМ
АСТАНА. 13 тамыз. ҚазАқпарат - 2013 жылда 16-17 млн. тонна астық жиналады деген болжам бар. Бұл туралы бүгінгі баспасөз мәслихатында ҚР Ауыл шаруашылығы министрлігінің Агроөнеркәсіп кешені саласындағы мемлекеттік инспекциясы комитетінің төрағасы Сақташ Хасенов мәлім етті.
Комитет төрағасы атап көрсеткендей, астықтың көлемі көптеген жағдайларға байланысты. «Дегенмен, облыстық және жергілікті органдардың алдын ала мәліметі бойынша биыл астықтың көлемі 16-17 млн. тонна көлемінде болады», - дейді С.Хасенов. Оның айтуынша, биыл астықты сақтау саласында қиыншылықтар болмауы тиіс.
