Ағымдағы жылы 2003 жылы кезекке тұрған елордалықтар баспаналы болады

АСТАНА. 31 шілде. ҚазАқпарат - Қазіргі уақытта мемлекеттік қордан баспана алуға кезекке тұрғандардың саны 23 391 адамды құрайды,

деп жазды Астана қаласының әкімі  Иманғали Тасмағамбетов өзінің шағын блогына.

Олардың 11 607-сі халықтың әлеуметтік жағынан әлсіз тобына жатады. «2008 жылдан бастап біз коммуналдық қордан 1500-ден астам адамға пәтер бердік әрі бұл жұмыс одан ары жалғасатын болады. Тұрғын үй заңнамасына сәйкес пәтерлер кезек бойынша беріледі. Ағымдағы жылы біз 2003 жылы кезекке тұрғандарды баспанамен қамтамасыз етеміз», - деп жазады әкім.