Ағымдағы жылы 4 мың шақырымнан астам автокөлік жолдары жөндеуден өтті

АСТАНА. 26 желтоқсан. ҚазАқпарат - Ағымдағы жылы 4 мың шақырымнан астам автокөлік жолдары жөндеуден өтті.

Бұл туралы бүгін ҚР Президенті жанындағы Орталық коммуникациялар қызметіндегі баспасөз мәслихатында Үкімет басшысының бірінші орынбасары Бақытжан Сағынтаев мәлім етті.

Оның айтуынша, «Батыс Еуропа - Батыс Қытай» автомагистралінің 1,5 мың шақырымында қозғалыс ашылды. Ал "Жезқазған - Бейнеу" және "Арқалық - Шұбаркөл" теміржол желілерінің құрылыстары жүріп жатыр.

«Бұл жолдар Қазақстанның көлік саласы тарихында алғаш рет еліміздің батысы мен шығысын байланыстырады. Сондай-ақ, Жезқазған өңірі мен Арқалық қаласының проблемаларын шешуге ықпал етеді»,-деді Б. Сағынтаев.