Ағымдағы жылы ауыл шаруашылығы өнімінің жалпы көлемі болжам бойынша 9 пайызға азаяды
АСТАНА. Қыркүйектің 8-і. ҚазАқпарат /Марлан Жиембай/ - Ағымдағы жылы ауыл шаруашылығы өнімінің жалпы көлемі болжам бойынша 9 пайызға азаяды. Бұл туралы бүгін Үкімет отырысында ҚР Экономикалық даму және сауда министрі Жанар Айтжанова мәлім етті.
«Өткен жылғы жиналған егіннің рекордты көлеміне қарағанда ағымдағы өсімдік шаруашығы өнімдері көрсеткіштерінің төмен болуына байланысты ауыл шаруашылығы өнімінің жалпы көлемі болжам бойынша 9 пайызға азаяды», деді министр өз сөзінде.
Сонымен қатар Ж.Айтжанова ауыл шаруашылығы өнімдері көрсеткішінің төмен болуына үстіміздегі жылғы қолайсыз ауа райының әсер етіп отырғандығын баса айтты.
