Ахмадинежад Иранға салынған халықаралық санкцияларды айыптады

ТЕГРАН. Наурыздың 14-і. ҚазАқпарат - Иран Президенті Махмуд Ахмадинежад Иранға салынған халықаралық санкцияларды айыптады және оларды «баланың әрекеті» деп атады.

«Иран АҚШ-тың ұлттық қауіпсіздігіне, сыртқы саясаты мен экономикасына үлкен қауіп төндіруін жалғастырып отырғандықтан», оған салынған экономикалық санкцияларды әрі қарай ұзарту туралы Барак Обаманың мәлімдемесіне Ахмадинежад осылай жауап берді, деп хабарлайды ҚазАқпарат «Эхо Москвы» радиостансасына сілтеме жасап. Ахмадинежадтың айтуынша, Иранның дамуына жасалып отырған тосқауылдар - үлкен қателік.