Ахмат Қадыровтың Отаны - Қарағанды облысына Грозныйдың мэрі келді
ҚАРАҒАНДЫ. ҚазАқпарат - Шешенстан Республикасының алғашқы президенті Ахмат қажы Қадыров дүниеге келген Малая Сарань кентіндегі естелік орындарға Грозный мэрі Муслим Хучиев барды, деп хабарлады «ҚазАқпарат» ХАА тілшісі.
Қарағанды облысы әкімінің баспасөз қызметінен хабарлағандай, Муслим Хучиев Ахмат қажы Қадыров туған үйінің орнына орнатылған мемориалдық тасқа барды. Сондай-ақ Малая Сарань кентіне кіреберістегі естелік белгі, Шешенстан Республикасының тұңғыш президентінің өмірімен байланысты өткен шағын еске салады.
«Бұл сапар - Қазақстан мен Шешенстан Республикасы арасындағы екіжақты достастық қатынастарды дамытуға ауқымды үлес қосқан мемлекет қайраткері Ахмат қажы Қадыровты еске алу, оған құрмет көрсету», - деп атап өтті Сарань әкімі Ержан Темірханов.
Грозный мэрі Қазақстанға XXV ТМД астаналары мен ірі қалаларының халықаралық ассамблеясына қатысу үшін келді. Кездесу Астанада «ЭКСПО-2017» көрмесі аясында өтті. Тақырыбы - «Жаһандық сын-қатерлерге жауап ретінде қалалардың орнықты дамуының жаңа бағдарламасы».
Ахмат Қадыров 1951 жылы 23 тамызда Малая Сарань кентінде тұрған. 1957 жылы сәуірде Қадыровтар отбасы Шешен-Ингуш АССР-ына қайта оралды.
