Airbus A330-дан борт жазбасының контейнері табылды

АСТАНА. 28 сәуір. ҚазАқпарат - Іздеу тобы Air France AF447 рейсінен бір борт жазбасының контейнерін тапты. Бұл туралы сәрсенбі күні француздың авиаапаттарды тергеу бюросына сілтеме жасап бразилия БАҚ-тары жарыса жазды, деп жазады Утро.ru.

ВЕА мәліметтері бойынша, контейнер Бразилия жағалауынан солтүстік-шығысқа қарай 1,1 мың километр іздеу ауданын Remora 6000 су аппаратымен алғашқы терең сүзу кезінде табылды. "Қара жәшіктің" өзі контейнерден табылмады. Оны іздеу одан әрі жалғасуда, деп атап көрсетеді француздың авиаапаттарды тергеу бюросы.

Air France AF447 авиакомпаниясының рейсін орындаушы лайнер Airbus A330 Рио-де-Жанейродан Парижге ұшып шыққан болатын. 2009 жылдың 1 маусымында Атлант мұхитының үстінде құлап түсті. Авиаапаттың себептері әлі анықталған жоқ.