Ақ үйдің аумағына баса-көктей кірген көліктен 800-ден астам патрон табылды
АСТАНА. ҚазАқпарат - Ақ үйдің қоршауынан өтіп, АҚШ президентінің резиденциясына бір-ақ жеткен Омар Гонзалестің көлігінен 800-ден астам патрон, екі балта мен пышақ тәркіленді.
Бұл туралы федералдық прокурор мәлім етті, деп хабарлайды ИТАР-ТАСС.
Бұдан бұрын да ол шілде айында мергендер мылтығымен және картамен тұтқындалғанын Ақ үй атап өтеді.
19 қыркүйекте Құпия қызметі Техас штатының тұрғыны 42 жастағы Гонзалесті тұтқындады, ол Ақ үй қоршауынан өтіп кетіп, АҚШ президенті резиденциясының кіреберісіне дейін жеткен. Алайда оны күзетшілер ұстап үлгерді.
Обама ол кезде отбасымен бірге бірнеше минут бұрын Ақ үйден шығып, Мэриленд штатында қала сыртындағы резиденциясына кеткен болатын.
