«Әке» сериалы Қытайда көрсетілетін болды

АСТАНА. ҚазАқпарат - Қазақстанда түсірілген «Әке» сериалы Қытайда көрсетіледі. Бұл жайында бүгін елордада өткен «Тұмар» бірінші ұлттық телевизиялық байқауы жеңімпаздарын марапаттау рәсімінде белгілі болды, деп хабарлайды ҚазАқпарат.

Айта кетерлігі, телевизиялық байқаудың «Ең үздік телевизиялық телехикая» аталымында «Қазақстан» телеарнасының «Әке» сериалы үздік деп танылған болатын. Сериал түсірушілерінің айтуына қарағанда, туындыда басты рөлді сомдаған Азат Сейітметов Сеулде өткен халықаралық кинофестивальде жыл актері деп танылған.
 

Айта кетерлігі, бүгін «Тұмар» бірінші телевизиялық байқауының 12 аталымы бойынша жеңімпаздар анықталды. Олардың қатарында «Қазақстан», «Хабар», «31 арна» сынды телеарналардың шығармашылық ұжымдары бар.