12:15, 15 Қыркүйек 2024 | GMT +5
Ақылы терминалда жол апатынан жүргізуші көз жұмды
ҚОНАЕВ. KAZINFORM — Алматы облысында жол-көлік оқиғасынан бір адам қаза тапты. Осы факті бойынша полиция қылмыстық іс қозғады.
Chevrolet Cobalt жүргізушісі Алматы-Өскемен автожолының 25-шақырымында келе жатып, рульді басқара алмай, бетон қоршауға соғылған.
Содан кейін инерция бойынша алдында тұрған Hyundai Sonata автокөлігімен соқтығысқан.
«Жол-көлік оқиғасы салдарынан Chevrolet Cobalt жүргізушісі сол жерде қайтыс болды. Тергеу жалғасып жатыр», — дейді Алматы облысы полиция департаменті бастығының орынбасары Елжан Чупеков.
Өңір полициясы жол қозғалысының барлық қатысушыларын белгіленген жылдамдық режимін мүлтіксіз сақтауға және жол ережесін бұзбауға шақырады.
