Ақмарал Әлназарова бұрынғы министрдің жаңа қызметіне қатысты пікір білдірді

АСТАНА. KAZINFORM – Денсаулық сақтау министрі Ақмарал Әлназарова бұрынғы министр Ажар Ғиният не себепті Ұлттық балаларды оңалту орталығын басқаруға барғанын түсіндірді.

«Ажар Ғиният өзінің медициналық біліміне қатысты жұмысты жалғастырғысы келді. Ол педиатр мамандығын меңгерген. Жаңа қызметін Ұлттық балаларды оңалту орталығында жалғастырады.

Оның халықаралық ұйымдармен жұмыс істеудегі әлеуеті, сондай-ақ Денсаулық сақтау министрлігінде атқарған жылдар ішінде жинаған саяси тәжірибесі орталықтың жұмысына тек оң ықпалын тигізеді деп ойлаймын», - деді А. Әлназарова. 

Оның айтуынша, аталған орталықтағы қызмет осыған дейін бос болған.

Бұдан бұрын хабарланғандай, жақында «Ұлттық балаларды оңалту орталығы» КЕАҚ басшысы қызметіне Ажар Ғиния тағайындалды.