Ақмола облысында 14 жасар қыз өз-өзіне қол салды

КӨКШЕТАУ. KAZINFORM – Ақмола облысында 14 жасар қыз өз-өзіне қол салды. Аталған оқиға бойынша полиция іс қозғады. 

Ақмола облысы ПД баспасөз қызметінің мәліметінше, оқиға қазанның 1-інде Аршалы ауданының Жібек жолы ауылында болған. 

«Аршалы аудандық полиция басқармасына Астана қаласының тұрғыны хабарласып, Жібек жолы ауылындағы үйінің гаражында 14 жасар немере қарындасы өз-өзіне қол салғанын айтты. Осыған байланысты сотқа дейінгі тергеу амалдары жүріп жатыр. Қылмыстық процессуалдық кодекстің 201-бабына сәйкес өзге ақпарат жариялауға жатпайды», - деп жауап берді ПД баспасөз қызметі Kazinform тілшісінің сауалына.

Айта кетсек, бұдан бұрын Көкшетауда 9 жасар қыз суицид жасағанын жазған едік.