Ақмола облысында 65 шақырым жол жөнделіп жатыр
АСТАНА. KAZINFORM – Ақмола облысындағы республикалық маңызы бар «Макинск – Ақсу – Торғай» автожолының 175-240 шақырым аралығында орташа жөндеу жұмыстары жүргізілуде.
Жөндеу жұмыстары қамтылған учаскенің жалпы ұзындығы 65 шақырымды құрайды. Жобаны іске асыруға 42 маман мен 23 бірлік арнайы техника жұмылдырылған.
Қазіргі уақытта орташа жөндеу аясында:
-
53,5 шақырым жол жабыны жонылды;
-
26 100 текше метр көлеміндегі жол ақаулары жойылды;
-
49,16 шақырымда суық жону әдісімен негіз қабаты төселді;
-
48 шақырымда ірі түйіршікті асфальтбетон қоспасының төменгі қабаты салынды;
-
32 шақырымда майда түйіршікті асфальтбетон қоспасының үстіңгі қабаты төселді.
- Сонымен қатар инженерлік инфрақұрылымды жаңарту аясында бірнеше су өткізгіш құбыр орнатылды. Жол жиегін құм-қиыршықтас қоспасымен нығайту жұмыстары да қатар атқарылып жатыр, - деп түсіндірді ҚазАвтоЖолдан.
Мамандардың айтуынша, жүргізіліп жатқан жөндеу жұмыстары жолдың беріктігін арттырып, пайдалану мерзімін ұзартуға мүмкіндік береді.
Айта кетейік, бұған дейін Ұлытау мен Қызылорда арасындағы жол биыл толығымен аяқталатыны хабарланды.
