Ақмола облысында мұғалімдердің жалақысы себепсіз кешіктірілген
АСТАНА. KAZINFORM - Ақмола облысы прокуратурасының іске араласуынан соң Ерейментау ауданында мұғалімдердің жалақы бойынша берешегі өтелді.
Ерейментау ауданының прокуроры Үленті ауылдық округіне барып, жеке қабылдауда мектеп директорының орынбасары мұғалімдерге жалақы төлеуді кешіктіру мәселесі бойынша шағым айтты.
Аудан прокуроры жедел шаралар қабылдап, келесі күні жалпы сомасы 8 млн теңгегеден астам жалақы бойынша берешек өтелді.
Айта кетейік, бұған дейін бес жыл ішінде мұғалімдердің айлығы екі есеге көтерілгені туралы жазған едік.
