Ақмола облысында сайлау қорытындысы жарияланды

Ақмола облысының Ақкөл, Астрахан, Есіл, Жақсы және Шортанды аудандарында әкім сайлауы өтіп, оған 57 139 дауыс беруші қатысты, деп хабарлайды Kazinform. 

Ақмола облыстық аумақтық сайлау комиссиясының мәліметінше, сайлаушылар тізіміне 79 148 азамат енгізілді. Дауыс беруге қатысқаны – 57 139 сайлаушы. Оның ішінде 8-есептен шығару куәліктері бойынша, үй-жайдан тыс жерде дауыс беруге қатысқан сайлаушылардың саны – 924

Кандидаттардың жалпы саны – 12.

Аудан әкімдері сайлауында мынадай қорытынды белгіленді:

Ақкөл ауданы бойынша Б.Әбдірахманов үшін 10163 сайлаушы дауыс берді. С.Кенжебаев үшін 1341 сайлаушы дауыс берген. «Барлығына қарсы» белгісі бар бюллетеньдер саны – 786.

Астрахан ауданы бойынша Т.Ерсейітов үшін 8970 сайлаушылардың дауысы берілді, Б.Төкішев үшін 884 сайлаушы дауыс берді. «Барлығына қарсы» белгісі бар бюллетеньдер саны – 526.

Есіл ауданы бойынша К.Әлімжанов үшін 1524 сайлаушы дауыс берілді, С.Балжанов үшін 8181 сайлаушы дауыс берген. С.Кенжетайға 592 сайлаушының дауысы берілді. «Барлығына қарсы» белгісі бар бюллетеньдер саны – 778.

Жақсы ауданы бойынша Р.Жұмағұлов үшін 798 сайлаушы дауысы берілді, А.Қадыралина үшін 6644 сайлаушы дауыс берген. Е.Оспанов үшін 528 сайлаушы дауысы берілді. «Барлығына қарсы» белгісі бар бюллетеньдер саны – 475.

Шортанды ауданы бойынша Ә.Балташев үшін 1157 сайлаушы дауысы берілді, С.Шабаров үшін 12827 сайлаушы дауыс берді. «Барлығына қарсы» белгісі бар бюллетеньдер саны – 104.

Сайлау қорытындысы бойынша мына аудандарға әкім сайланды:

Ақкөл ауданы бойынша Біржан Тасболатұлы Әбдірахманов сайланды. 

Астрахан ауданы бойынша Талғат Аманбайұлы Ерсейітов сайланды.

Есіл ауданы бойынша Серік Мырзасейітұлы Балжанов сайланды. Ол 1980 жылы туған, ШЖС «Бейсен-1» директордың орынбасары қызметін атқарған.

Жақсы ауданы бойынша Алмагүл Аманжолқызы Қадыралина сайланды.

Шортанды ауданы бойынша Сағындық Серікбайұлы Шабаров сайланды.