Ақмола облысы аумағында бірнеше жолда көлік қозғалысына шектеу қойылды
НҰР-СҰЛТАН. ҚазАқпарат – Боранға байланысты Ақмола облысы аумағындағы жолдардың учаскелерінде көлік қозғалысына шектеу қойылды, деп хабарлайды ҚазАқпарат тілшісі.
ҚР Индустрия және инфрақұрылымдық даму министрлігінің мәліметінше, бүгін сағат 11:45-тен бастап келесідей автомобиль жолдарында көліктің барлық түрлері үшін қозғалысқа шектеу енгізілді:
1. «Нұр-Сұлтан-Петропавл» автожолының 18-231 шақырымында, атап айтқанда, Нұр-Сұлтан мен Щучинск қалалары аралығындағы учаскеде («ҚазАвтоЖол» ҰК» АҚ Ақылы жолдар дирекциясының учаскесі)
2. «Көкшетау-Атбасар» автожолының 0-184 шақырымында, Көкшетау мен Атбасар қалаларының аралығындағы учаскеде.
3. «Екатеринбург-Алматы» автожолының 997-1247 шақырымында, яғни Атбасар және Нұр-Сұлтан қалаларының аралығындағы учаскеде.
«Апатты жағдайларды болдырмау мақсатында көлік иелеріне алыс сапарға шықпауға кеңес беріледі. Қиын жағдайға тап болсаңыздар, 1403 нөмірі бойынша тәулік бойы жұмыс істейтін call-орталыққа хабарласа аласыздар», - делінген ведомство мәліметінде.
