Ақмола облысына 5 мыңға жуық Vero Cell вакцинасы жеткізілді

КӨКШЕТАУ. ҚазАқпарат - Ақмола облысына Sinopharm (Қытай) компаниясы шығарған Vero Cell вакцинасының 4 990 дозасы жеткізілді, деп хабарлайды ҚазАқпарат тілшісі облыстық ішкі саясат басқармасының баспасөз қызметіне сілтеме жасап.

Денсаулық сақтау басқармасының ақпараты бойынша, Sinopharm инактивті вакцинасы Қазақстанда қолдануға тіркелген кезекті препаратқа айналды.

Клиникалық сынақтардың үшінші кезеңінің нәтижелері бойынша бұл препарат коронавирус инфекциясына қарсы тиімділігі 79 пайыз. Госпитализацияға қарсы тиімділік 79 пайыз.

«Әрқайсысы 2 компоненттен тұратын вакцинаның 4 990 дозасы бар. Бүгінгі таңда тапсырыс дайындалып, медициналық ұйымдарға жіберілді. Облыстық қоймадан аудандық және қалалық деңгейдегі қоймаларға арнайы термоконтейнерде авторефрежиратормен жеткізіледі», - деді ведомстводан.

Жалпы, өңірге халықты иммундау басталғаннан бері еліміздің денсаулық сақтау министрлігі мақұлдаған V Спутник V, QazVak, Hayat Vax, Соrоnа Vak және Vero Cell вакциналарының 540 мыңнан астам дозасы жеткізілген.

Еске сала кетейік, халықаралық сарапшылардың пікірінше, вакцинация коронавирус инфекциясымен күресудің жалғыз және тиімді әдісі. Жалпы, осы жылдың ақпан айынан бастап өңірде 245 мыңға жуық адам бірінші компонентпен, ал 189 мыңнан астам адам екінші компонентпен егілді. Облыста 133 егу пункті, сондай-ақ 135 мобильді бригада жұмыс істейді.

Айта кетейік, стационарлық емделіп жатқан 1234 науқас бар, 125-і жасақтау бөлімшесінде, 14-і өте ауыр жағдайда, 133-і оттегіне қосылған.