Ақмола облысында алдағы үш күнде бұршақ жауып, дауыл болуы мүмкін
АСТАНА. ҚазАқпарат - Қазгидромет Астана қаласы мен Ақмола облысы бойынша ескерту жариялады, деп хабарлайды ҚазАқпарат.
20 маусымда Ақмола облысының кей жерлерінде бұршақ жауып, күндіз жылдамдығы 15-20 м/с болатын жел соғады. 21-22 маусымда Ақмола облысының кей жерлерінде найзағай ойнап, бұршақ жауады және дауыл болып, оңтүстік-батыстан секундына 15-20 метр жылдамдықпен жел соғады.
Астанада 20 маусымда күндіз найзағай ойнап, батыстан екпіні 15 м/с жел тұрады. 21 маусымда күндіз найзағай ойнап, батыс бағыттан екпіні 15-20 м/с болатын жел соғады. 22 маусымда найзағай ойнап, бұршақ түседі және дауыл болып, батыстан ұйытқуы 15-20 метр секундтық желі есуі ықтимал.
