Ақмола облысында балабақшамен қамту 98 пайызға жетті
КӨКШЕТАУ. ҚазАқпарат - Бүгінгі таңда Ақмола облысында балаларды балабақшамен қамту 98 пайызға жетті. Бұл туралы облыстық мәслихат депутаттары алдында 8 айдың жұмыс қорытындысы бойынша есеп берген өңір басшысы Мәлік Мырзалин мәлім етті, деп хабарлайды ҚазАқпарат.
Облыс әкімі жергілікті атқарушы органдарға мәселені түбегейлі шешу үшін мемлекеттік-жекешелік жобаларға бизнес құрылымдарын тарту жұмыстарын белсендіруді тапсырды.
«Ең алдымен облыс орталығын балабақшалармен қамту керек. Мұнда мектепке дейінгі кезекте 3 мыңға жуық бала тұр. Сонымен қатар, қалада балала туу көрсеткіші артқан және ішкі өңірлік миграция жоғары», - деді Мәлік Мырзалин.
