Ақмола облысында найзағай жарқылдап, нөсер жаңбыр жауады
НҰР-СҰЛТАН. ҚазАқпарат - Ауа райының бұзылуына байланысты Ақмола облысында ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
7 қыркүйек түнде Ақмола облысының кей жерлерінде қатты жаңбыр жауады. 7-8 қыркүйекте кей жерлерде найзағай ойнап, тұман түседі. Солтүстік-шығыстан соққан жел оңтүстік-батысқа ауысады. Кей жерлерде жел екпіні 15-20 м/с жетеді.
7-8 қыркүйек күндері Көкшетау қаласында тұман болады.
Дауылды ескертудің ықтималдығы - 85-90%.
