Ақмола облысында саяси партиялардан кандидаттардың сайлауға қатысу мәселесі талқыланды
КӨКШЕТАУ. ҚазАқпарат - Ақмола облыстық сайлау комиссиясы кенттер, ауылдық округтер мен ауылдардың әкімдерін сайлауға қатысатын саяси партиялармен кездесу өткізді, деп хабарлайды ҚазАқпарат тілшісі.
Талқылаудың негізгі мәселесі сайлауға қатысу үшін саяси партиялардан және өзін-өзі ұсынушылардан кандидаттардың құжаттарын дайындауды ұйымдастыру рәсімінің тетігін түсіндіру болды. Облыстық сайлау комиссиясының төрағасы Манарбек Садуов сайлау туралы заңнаманың жаңа енгізілімдерін егжей-тегжейлі баяндады.
«Сайланатын әкімдерге қойылатын талаптар жоғары: Конституциялық заң бойынша ол бұрын сыбайлас жемқорлық әрекетімен көзге түспеген, жоғары білімді және ҚР азаматы болуы тиіс, сондай-ақ, жасы 25 жастан кіші болмауы тәрізді көптеген талаптар бар. Тағы бір жаңалық - бұрын депутаттарды, тіпті президенттерді сайлаған кезде «мен бәріне қарсымын» деген баған болмаған еді, яғни сайлауға келгендер «мен қарсымын» деген бағанды тағайындай алады, егер кандидаттарды көңілі қаламаса, содан кейін азаматтар өзін-өзі ұсына алады. Бірақ сол азамат партия мүшесі болуы керек, бұл тұрғыда халықтың 1 пайыз дауысы есептеледі. Егер 800 адам және 8 адам қолдаса, онда бұл кандидаттың атқарушы билік органдарына сайлануға мүмкіндігі бар», - деді Манарбек Садуов.
Бұдан әрі қатысушылар ауыл, кент, ауылдық округ және аудандық маңызы бар қала әкімдерінің тікелей сайлауын өткізудің құқықтық және ұйымдастырушылық негіздеріне егжей-тегжейлі тоқталды.
Айта кетейік, өңірде жұмыс істеп тұрған 239 әкімнің 95-і (40 пайызы) сайланатын болады. Олардың сайлауына 100 000 ақмолалық қатысады – сайлаушылардың жалпы санының 19 пайызы. Аршалы, Жарқайың, Ерейментау, Целиноград аудандарының тұрғындары аудан орталықтары әкімшіліктерінің басшыларын сайлайды.
