Ақмола облысында суға кеткен балықшының денесі табылды
КӨКШЕТАУ. ҚазАқпарат - Ақмола облысының Қорғалжын ауданында суға батқан 69 жастағы балықшының денесі табылды, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.
Балықшының денесі Ұялы ауылынан 8 шақырым қашықтықтағы Нұра өзенінен табылған.
«27 қазанда кешкі сағат 19:00 шамасында 1950 жылы туған ер адам В.Т.Полящук балық аулау кезінде 3 метр жардан өзенге құлағаны туралы ақпарат түсті. Балықшыны іздеу жұмыстарына тиісті сала мамандары мен арнайы техникалар жұмылдырылды. Балықшының денесі бір күннен кейін табылды»,- дейді ведомствоның баспасөз хатшысы Динара Есенбаева.
