Ақмола облысында үстіне «Биг бэг» қабы құлаған жұмысшы көз жұмды
КӨКШЕТАУ. ҚазАқпарат - Ақмола облысында үстіне «Биг бэг» қабы құлаған жұмысшы көз жұмды, деп хабарлайды ҚазАқпарат тілшісі.
Облыстық ПД баспасөз қызметінің мәліметінше, 13 маусымда сағат 03:33 Зеренді аудандық ПБ кезекші бөліміне жергілікті кәсіпорынның диспетчері хабарласып, жұмысшыны жүк тиелген полипропилен матасынан жасалған контейнер («Биг бэг» қабы) басып қалғанын айтты.
«Оқиғадан 48 жастағы ер адам көз жұмды. Сот-медициналық сараптама тағайындалды. Қылмыстық кодекстің «еңбекті қорғау ережелерін бұзу» бойынша сотқа дейінгі тергеу басталды», - деді ведомстводан.
Айта кетсек, бұдан бұрын Бурабайда 720 метр биіктікте жарақат алған жас жігіт құтқарылғанын жазғанбыз.
