Ақмола облысында жаңа дене шынықтыру-сауықтыру кешені ашылды
КӨКШЕТАУ. ҚазАқпарат - Целиноград ауданының Ақмол ауылында замануи дене шынықтыру-сауықтыру кешені ашылды, деп хабарлайды ҚазАқпарат тілшісі.
Ақмола облыстық дене шынықтыру және спорт басқармасының баспасөз хатшысы Махаббат Большинаның мәліметінше, екі қабатты ғимаратта жүзу бассейні, мини-футбол, волейбол, гандбол, шешінетін бөлме, жаттықтырушы бөлмесі, сонымен қатар екі жаттығу залы бар, олардың бірі науқастар мен мүгедектерді оңалтуға арналған. Бұдан басқа, медициналық және массаж кабинеттері, мүкәммал, әкімшілік үй-жайлары, гардеробы бар буфет және вестибюль бар. Жанкүйерлер үшін 124 адамға арналған ыңғайлы және қауіпсіз трибуна да салынған. Дене шынықтыру-сауықтыру кешендерінің ашылуы ауыл балаларының спорттық әлеуетін ашуға көмектеседі.
Ақмола облысы дене шынықтыру және спорт басқармасының басшысы Әсет Бүкібаев атап өткендей, өңірде 2500 – ден астам спорт ғимараттары жұмыс істейді, оның ішінде ауылда-1736. Осындай нысандардың салынуының арқасында облыста спортпен тұрақты айналысатын адамдар саны артты. 2020 жылмен салыстырғанда бұл көрсеткіш 5 пайызға артып, 35,7 пайызды құрады (жоспар бойынша-34,3 пайыз), ал бұл шамамен 263 мың адам.
«Дене шынықтыру-сауықтыру кешенінде Целиноград ауданының балалар-жасөспірімдер спорт мектебі орналасатын болады, онда баскетбол, волейбол, гандбол, футбол, бокс, дзюдо, қазақ күресі, киокушинкай-кан каратэ, жүзу, садақ ату сияқты спорттың 10 түрі бойынша оқу - жаттығу процесі жүргізіледі. Ауданда бұрыннан осындай дене шынықтыру-сауықтыру кешенінде деген қажеттілік болған. Целиноград спорты әрдайым өз жетістіктерімен ерекшеленді. Ауданда садақ ату, джиу – джитсу, белбеу күресі, қазақ күресі, каратэ сияқты спорт түрлері бойынша 13 ҚР спорт шебері және 6 халықаралық дәрежедегі спорт шебері бар», - деп атап өтті басқарма басшысы Әсет Бүкібаев.
