Ақмола облысында жүргізуші көлік астына түсіп мерт болды
КӨКШЕТАУ. ҚазАқпарат - «Нұр-Сұлтан-Петропавл» тас жолының бойында жүргізушіні көлік қағып кетті, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның дерегі бойынша, жол апаты 27 қазан күні кешкілік уақыт 18:00 шамасында «Нұр-Сұлтан-Петропавл» тас жолының 176 шақырымда Қоғам ауылының тұсында болған.
«Дөңгелегі жарылған «Ауди 6» көлігінің жүргізушісі рульге ие бола алмай жол шетіндегі қоршауға соғылған. Кейін жүргізуші көліктен шығып тұрғанда оны Нұр-Сұлтан қаласының 1956 жылғы тұрғыны тізіндеген «Renault Logan» көлігі соққан. Жүргізушісі оқиға орнында көз жұмды», - деді Ақмола облыстық ПД баспасөз хатшысы Гүлнар Пинчук.
Қазіргі кезде, осы оқиғаға байланысты ҚР ҚК 345 бабының 3 бөлігі бойынша іс қозғалып, сотқа дейінгі тергеу амалдары жүргізілуде.