Ақмола облысында «Зымыран-2021» оқу-жаттығуы басталды
Ауқымды шараға жергілікті атқарушы органдар, облыстық және аудандық азаматтық қорғау қызметтері, облыстық, қалалық және аудандық төтенше жағдайлардың алдын алу және жою комиссиялары, Төтенше жағдайлар департаментінің ведомстволық бағынысты ұйымдары мен аумақтық бөлімшелерінің қызметкерлері қатысуда.
Тактикалық оқу-жаттығу «Байқоңыр» ғарыш айлағынан ұшыру барысында тасымалдағыш зымырандардың апаты салдарынан туындайтын төтенше жағдай кезінде азаматтық қорғаудың мемлекеттік жүйесінің басқару органдарының күштері мен құралдарының іс-қимылға дайындығы тақырыбындағы міндеттерді орындауға дайындық дәрежесін айқындауға бағытталған.
«Облыстың барлық қалалары мен аудандарында оқу кіріспе жұмыстарын пысықтау мақсатында құрамына 14 азаматтық қорғау қызметі кіретін 139 құралым жедел штабтар жоғары дайындыққа келтірілді. Құтқарушылар төтенше жағдайлар кезінде барлық санитарлық-эпидемиологиялық және карантин нормаларын сақтай отырып, екі күн қатарынан нақты уақыт режимінде іс-қимыл алгоритмдерін пысықтайтын болады», - деді ведомстводан.
