Ақмола облысындағы құрғақ шөптің жануы мың гектар аумақтан асып кетті
КӨКШЕТАУ. ҚазАқпарат - Ақмола облысындағы құрғақ шөп өртін сөндіру қиынға соғып жатыр, деп хабарлайды ҚазАқпарат.
ТЖМ мәліметінше, жалын Біржан сал атындағы ауданның Қайнар ауылынан 15 км жерде орын алды.
«Секундына 7 метрге дейін соққан жел мен ауа температурасының +38 градусқа дейін көтерілуі өрт сөндіру жұмыстарын қиындатуда.
Жағдайға кешенді бағалау жүргізілгеннен кейін жергілікті атқарушы органдар өрт алдын ала ауданының 1 100 гектарды құрайтынын анықтады.
Елді мекендерге қауіп жоқ», - деп мәлімдеді ведомстводан.
Өртті сөндіруге ТЖД және жергілікті атқарушы органдардың күштері мен құралдары жұмылдырылды.
Өрт сөндіру жұмыстары жалғасуда.
Ақмола облысының Төтенше жағдайлар департаменті тұрғындардан орманды-дала алқаптарында өрт қауіпсіздігі шараларын сақтауды сұрайды.
