Ақмола полицейлері белгісіз ер адамның мәйітін анықтау үшін халықтан көмек сұрады
КӨКШЕТАУ. ҚазАқпарат - Ақмола облысының полицейлері тұрғындардан белгісіз ер адамның мәйітін анықтау жөнінде көмек сұрауда, деп хабарлайды ҚазАқпарат тілшісі облыстық ПД баспасөз қызметіне сілтеме жасап.
Ведомствоның мәліметінше, Целиноград аудандық полиция бөлімінің қызметкерлері сәуірдің 8-де Ақмол ауылы маңынан мәйіті табылған белгісіз ер адамның кім екенін анықтау бойынша шараларды жүзеге асырып жатыр
«Белгілісі - ер адамның бет-бейнесі еуропалық, бойы - 168-170 см. Жас шамасы 40-60 жас аралығында. Арықша келген. Шашы ақшыл сары, қасында қалың, жақ тұсында қылы бар. Өзге ерекше белгілері жоқ.
Тірі кезінде оң жақ өкпе обырымен, 4-деңгейдегі бауыр ісігі, өт тасы және шап жарығымен ауырған.
Ер адам үстіне қоңыр түсті тон, қара-сұр түсті джинсы шалбар, қара түсті гамаш, қара түсті қысқа жең жейде, ақшыл сары күртеше, қара және қара-көк түсті шұлық, 43 өлшемді резеңке калош киген», - дейді ведомствоның баспасөз қызметіндегілер.
Полиция қызметкерлері тұрғындардан ер адамға қатысты қандай да бір мәлімет білетін болса, Целиноград ауданының ПБ кезекші бөліміне (Ақмол ауылы, Линейная көшесі 1 «А») немесе 8-716-51-25-00-2 телефоны арқылы хабарласуын өтінеді.
