Ақмола және Солтүстік Қазақстан облыстарында өзендер арнасынан асып, су басуы мүмкін
АСТАНА. ҚазАқпарат - Таяудағы тәуліктерде Жайық, Есіл, Тобыл өзендерінде көктемгі су тасқынының одан әрі өрістей түсуі күтілуде, деп хабарлады ҚР ТЖМ сайты.
Ақмола облысының Қалқұтан өзенінде су арнасынан асып, су басу қаупі сақталады. Солтүстік Қазақстан облысының шегінде Есіл өзенінде су деңгейінің көтерілуіне байланысты су басуы ықтимал.
Павлодар облысының шегінде Ертіс өзенінде су деңгейінің көтерілуі одан әрі жалғасады.
Республиканың оңтүстігіндегі, оңтүстік-шығысындағы және шығысындағы өзендерде су деңгейінің құбылуы байқалады.
