Ақмолада із-түзсіз жоғалған 26 жастағы ер адам іздестірілуде

КӨКШЕТАУ. ҚазАқпарат – Ақмола облысында із-түзсіз жоғалған 26 жастағы ер адам іздестірілуде, деп хабарлайды ҚазАқпарат тілшісі облыстық ПД баспасөз қызметіне сілтеме жасап.

«Туысы Өмірхан Ирқанұлы Кенжеғазының айтуынша, 1993 жылы туған ердам 2019 жылдың 30-шы қыркүйегінде сағат 11:00 шамасында үйінен шығып кектен. Содан бері хабарсыз, қайтып оралмаған. Қайда жүргені белгісіз», дейді ведомствоның баспасөз қызметіндегілер.

Полицияның мәліметінше, ер адамның оң жақ бет тұсында тыртығы бар. Бойы 170-175 сантиметр. Дене бітімі арықша келген. Шаштары қара, көздері қоңыр. Үстіне қара-көк түсті «Классик» жазуы бар күртеше, қара көйлек, көк шалбар киген. Оны көрген немесе жүрген жерін білетін адамдар болса, полицияның кезекшілік бөліміне 29-10-07, 29-90-10 телефон нөмірі немесе 102 арнайы желісі арқылы хабарласуына болады.