Ақмолада полицейлер есірткі курьерін қолға түсірді

Ақмола облысының полицейлері Көкшетау – Қостанай айналма жолында есірткі курьерін қолға түсірді.  Кazinform бұл туралы Polisia.kz-ке сілтеме жасап хабарлайды. 

Есірткі қылмысына қарсы іс-қимыл басқармасының қызметкерлері арнайы операция нәтижесінде a-PvP психотроптық затының таралуын тоқтатты. Есірткіні жасырын салушы жүріп келе жатқан автокөлік Көкшетау – Қостанай айналма жолында тоқтатылды. Жеке тінту кезінде жедел қызметкерлер 38 жастағы жүргізушіден салмағы 111 гр-дан асатын синтетикалық есірткі пакетін тәркіледі.

Аталған есірткі заты 300 дозаға жуық, қара нарықтағы құны – 2,5 млн теңге. Автокөлік салонында полицейлер есірткіні жасырын салуға арналған электронды таразылар, қапсырмалары бар сөмкелер және таспа тапты.

Ер адамның елордада тұратыны анықталды және ұсталудан бірнеше күн бұрын мобильді қосымша арқылы есірткі курьері болып жұмысқа орналасты.

Куратордан алынған нұсқаулыққа сәйкес, ол жасырын салатын есіркіні Көкшетау аумағында таратуға тиіс болатын. Осы мақсатта ол Ақмола өңірінің облыстық орталығына келді.

«Бұл фактіні полицейлер ҚР ҚК-нің 296-бабы 4-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс) бойынша сотқа дейінгі тергеп-тексерудің бірыңғай тізілімінде тіркеді. Жәбірленуші ұсталды және уақытша ұстау изоляторында», - делінген хабарламада.

Айта кету керек, 2023 жылы Ақмола облысының есірткіге қарсы полицейлері заңсыз айналымнан 17 келіден астам синтетикалық есірткі тәркілеген.