Ақмоладағы үш айлық нәрестенің өлімі: Әкім жағдайды өз бақылауына алды

КӨКШЕТАУ. ҚазАқпарат - Ақмола облысының әкімі Ермек Маржықпаев Көкшетауда көз жұмған үй айлық нәрестенің өліміне байланысты тексеруді өз бақылауына алды, деп хабарлайды ҚазАқпарат.

«Облыс орталығында үш айлық баланың көз жұмған фактісі бойынша жағдайды бақылауыма алдым. Менің орынбасарым, Айна Мысырәлімова төрайым болып бекітілген комиссия мәселенің егжей-тегжейін зерттеуде, қорытындысы БАҚ-та жарияланатын болады. Баланың ата-анасына және туыстарына өз көңілімді білдіремін», - деп жазды аймақ басшысы өзінің әлеуметтік желідегі парақшасында.

Еске салсақ, Ақмола облысында үш айлық сәбидің көз жұмғаны және осы оқиғаға қатысты дәрігерлердің тексеріліп жатқаны туралы хабарлаған болатынбыз.