Ақпанда Қазақстанның ірі және орта кәсіпорындарына жұмысқа 67 мың адам қабылданды
АСТАНА. 13 наурыз. ҚазАқпарат - Жедел деректерге сәйкес, ірi және орта кәсiпорындар мен мекемелерге 2012 жылғы ақпанда 67,6 мың адам қабылданды, түрлі себептермен - 64,3 мың адам жұмыстан шығарылды.
ҚР Статистика агенттігінің мәліметінше, жұмыстан кеткен қызметкерлердiң 83,1 пайызы - өз еркімен, 1,8 пайызы - қызметкерлер санының қысқаруына байланысты және 15,1 пайызы - басқа себептер бойынша босатылған.
2012 жылғы ақпан айында қабылдау бойынша айналым коэффициенті 2,2 пайызды, жұмыстан босату бойынша айналым - 2,1 пайызды, жұмыс күшінің тұрақсыздық коэффициенті - 1,8 пайызды құрады. Осы кезеңде жұмыс күшін ауыстыру коэффициенті 105,2 пайыз деңгейінде қалыптасты.
