Ақсай қаласында автокөлік өртенді
ОРАЛ. ҚазАқпарат - Бөрлі ауданы орталығы Ақсай қаласында автокөлік өртенді, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға бүгін сағат 04.26 шамасында орын алды.
М.Ықсанов көшесі бойындағы 102-үйдің ауласында 1994 жылы шығарылған «Фольксваген Пассат» автокөлігінің мотор бөлігі отқа оранды. Көлік иесі - 1988 жылғы азамат.
«Тілсіз жауды» ауыздықтауға №8 өрт сөндіру бөлімінен 4 адам, 1 техника жұмылдырылды. Өрт сағат 04.55-те сөндірілді.
Қазіргі кезде өрттің шығу себебі, кінәлі адамдар, келтірілген шығын анықталуда.
Еске сала кетейік, бұдан бұрын Оралда газ жабдығы орнатылған автокөліктің өртенгенін жазған болатынбыз.
