11:24, 04 Қараша 2019 | GMT +6
Ақсай қаласында тұрғын үй өртеніп кетті
ОРАЛ. ҚазАқпарат – БҚО-ның Ақсай қаласында тұрғын үй өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 3 қараша күні түс әлетінде орын алды.
Сағат 13.08-де 13-шағынауданда тұрғын үйдің отқа оранғаны жөнінде хабар түскен.
Үйдің төбесі, жақтаулары, қабырғалары, жеке заттар жанған.
Аумағы 70 шаршы метрді қамтыған өрт сағат 13.47-де оқшауланып, 14.02-де ауыздықталды. Оны сөндіруге 7 адам, 2 техника жұмылдырылды.
Қазіргі кезде өрттің шығу себебі, кінәлі адамдар, келтірілген шығын анықталу үстінде.